2017年3月20日 星期一

股票觀察名單

由於某啲原因,森而突然好怕有人將文章轉載去其他地方然後被起底,所以決定立即刪除所有關於子女既文章及相片,以免影響家人。

入正題,最近整理自已既股票觀察名單,發覺原來森而從未於Blog內公開過名單,不如今次就學下其他Blog友咁分享下,名單主要分兩部份,各有10隻股票,第一部份以大藍籌組成,屬長期固定名單;而第二部份則會因應不同時勢而轉變,每次改動時必須一隻換一隻,確保名單總數不超過20隻股票。

第一部份名單包括:九倉(0004)、匯豐(0005)、恒生(0011)、新地(0016)、中國海外(0688)、建行(0939)、中石油(0857)、中移動(0941)、友邦(1299)、中國平安(2318)

第二部份名單包括:偉易達(0303)、百富環球(0327)、維他奶(0345)、港交所(0388)、騰訊(0700)、威高(1066)、比亞廸(1211)、中銀航空(2588)、新奧能源(2688)、新意網(8008)


從一、二兩部份既股票中,應該不難理解及分別當中不同,既然分得第一同第二部份,投資策略上當然有所不同,第一部份屬較平穩既藍籌股,第二部份則較波動既增長股,一般人會認為平穩就適合長線持有,波動大就適合短炒,但仲記唔記得上篇文章提過一句「投資股票投機做、投機股票投資做」,第一部份既然係平穩,增長空間唔會太大,所以會較注重波幅,主要策略係運用期權作低買高賣,賺取權金、股息及差價;相反第二部份雖然波動大,但由於增長空間亦較大,每隔一段時間就可能會出現一波30%或更多升幅,所以會較注重趨勢,策略會以舊文提及既交易系統以捕捉大行情。

由於森而一向不善於做個股分析,Blog友最好唔好問森而點解揀呢20隻股票,要逐隻詳細解釋實在太痛苦,所以森而好佩服能夠用1000字分析一隻服票既高人,其實關於選股指標係上年一篇文章已經講過,上面20隻股票各自都符合某些指標,翻睇一下就會了解原因。

相關文章:

23 則留言:

  1. 我都好懶, 見到有幾位BLOGGER真係好有心咁打幾千字分享, 真心佩服!

    回覆刪除
    回覆
    1. 懶係其中一個原因,再加上多數股票已經有人做過分析,自己又冇乜新點子,重複將一樣意思既嘢再打一次實在冇意義。

      刪除
  2. 互聯網上 個人私隱好重要 一定要小心啲

    回覆刪除
    回覆
    1. 匿名係主要問題,所以大陸攪實名制其實係正確,全世界都應該照做。

      刪除
  3. 互聯網上 個人私隱好重要 一定要小心啲

    回覆刪除
  4. 回覆
    1. 唔駛客氣,唔嫌棄hea文就好喇!

      刪除
  5. 回覆
    1. 其實我機乎個個月都出手,出得大密!

      刪除
  6. 網上多匿名小人,森而兄未雨綢繆,也是合理之舉👍

    回覆刪除
    回覆
    1. 諗諗下家庭生活都係同朋友分享算,blog講返投資好啲!

      刪除
  7. 有D人用1000字分析一隻股票,就係將業績的數字覆述一次,唔係唔好,但唔係好有含金量囉。

    回覆刪除
    回覆
    1. 有部份係照抄,但有幾位真係寫得到一般人唔知既嘢,例如將企業每項持有資產逐一拆解,分析並計出估值,唔係高手真係做唔到。

      刪除
  8. 匿名的、分身的、旁敲側擊索料的,防不勝防。不是靠賣名、賣樣搵食,犯不著拋頭露面。

    回覆刪除
    回覆
    1. 自問冇能力靠賣名、賣樣搵食,所以決定做個快樂小blogger,只希望君子之交,我不犯人,人不犯我。

      刪除
  9. 回覆
    1. 其實都係普普通通大路嘢,又唔係冷門十倍股,都唔難搵既!

      刪除
    2. 真心!平穩得來有潛質。

      刪除
  10. 所以我唔貼家人相和事, 俾人說我孤獨無人理 XD !

    回覆刪除
    回覆
    1. 有時bloggers之間互串下先有火花,先好睇丫麻,唔係成日咁正經就好悶,換個角度,互串即係大家都有關注對方,都算一種交情,唔駛咁認真。

      不過匿名就唔同,擺明純粹玩嘢!

      刪除
  11. 回覆
    1. 謝標竿兄,希望唔好嫌棄森而又出hea文!

      刪除